Уцякаю

Уцякаю ад вай-фаю, скайпа,
         мэйла і фэйсбука,
Кіну ўсё, хоць ненадоўга,
        ды на Лысую Гару…
Пад’ядаць шпінат са шчаўем,
   і смарчкі-страчкі з латукам,
Там дажджамі буду мыцца,
         там пад Сонцам загару.
Я – гуру.
Уцякаю ад маршрутак,
        ад метро, і ад трамваю,
Каб нагамі перамераць
          шлях адгэтуль і туды,
Дзе казыча вецер ноздры,
      дзе адчайны птах сьпявае,
Дзе хіба ўначы прысьняцца
           нашы лёсы-гарады…
Не бяды.
2015


Рецензии
Таксама можа атрымацца добрая песня! Шукайце музЫку!

Лаззаро   24.04.2015 14:03     Заявить о нарушении