Ламра к1вачиз темен гудай,
Лекьре к1вачиз лиэн гудай
Дуьнья я хьи!
Иблисдиз лап мискияр бул,
Гишин пехъре жакьвазвай пул,
Дуьнья я хьи!
Сивиз гьарам, сивяй салам,
Хъуьтуьл рик1ер хьанвай т1арам
Дуьнья я хьи!
Экуьнилай йифелди женг,
Акъваз тийир гапур тфенг,
Дуьнья я хьи!
Намусдикай авунва гам,
Акъудзавач руквадай ам,
Дунья я хьи!
Къуран гъиле, мецелай таб,
Гьаясуз тир итим ва паб,
Дуьнья я хьи!
Сад Аллагьди гайи кьве гъил,
Хкажна, барбат1завай чил,
Дуьнья я хьи!
Агъуздайла кап1уна пел,
Фекьид чиник вегьизвай кьел,
Дуьнья я хьи!
Дуьнья я хьи!
© Copyright: Сулейман Ахтынский, 2015
Свидетельство о публикации №115040800645
Свидетельство о публикации №115040800645
Рецензии