Гафаралди к|ан жемир зун,герек туш
Заз хьиз к|ан хьухь, цаварилай чилел кьван,
Гафарикай сефил ч|авуз куьмек туш
Зун паталди гуз жедани вагай чан?
Алцурармир ширин гафар лугьуз заз
Краралди къалур жуван к|анивал,
Сефил ч|авуз язух татай ви яр ваз
Хабар туш ваз вуна зи рик| кайивал
Гьикьван шехьин,вилин накъвар кьуразва
Хатур хадач лагьана куьз гаф ганай,
Къеневай рик| гьайифар къвез лап т|азва
Куьз зи кьилел къе ири тир марф къванай?
Ваз гьак| жемир, эхдайди хьиз гьамиша
Бегел тушт|а ,жуваз гъейрид жагъура,
К|анзават|а вуна зун к|ус саймиша
К|анзават|а на элчияр ракъура
Фикир тийиз Хатур хазва исятда
Ахпа гьайиф къведа килиг гада ваз,
Ишехьдай кьван са юкъуз зун галатда
Хъфида зун, гъил масадан гъилеваз
Мад сеферда лугьузва за к|аниди
Гафаралди к|ан жемир зун ,герек туш,
Куьз к|анивал хьана икьван къайиди
Вилин накъвар серин юкъуз куьмек туш...
Гафаралди к ан жемир зун...
© Copyright: Саира Сефибекова, 2015
Свидетельство о публикации №115040111980
Свидетельство о публикации №115040111980
Рецензии