Ахъа я на рик1ин дердер
Кич1е жемир лугьудач за
Лагьа рик1ик ви квай сирер
Ч1алахъ хьухь вун лугьудач за.
Айиб жедач лагьа на заз
Касни алач лугьудач за
Гаф гуда за итимдин ваз
Амма ихтилат лугьудач за.
Чирдач за ви рик1ин т1алар
Хабар кьурдаз лугьудач за
Талгьаназ хьуй жеда ваз т1алар
Амма садазни лугьудач за.
Вучда вуна рик1е туна
Дерт жеда ваз са вахтунда
Лагьаназ хьуй на исятда
Регьет жеда ваз лугьудач за.
Айиб жедач лагьана тур
Акъвазда зун гатаз зи хур
Чанда ава т1алар дердер
Лугьудач за жуван сирер.
Зун Адил я гьа масад туш
Хуьда т1алар ви лугьудач за
Рик1евайди лугьурди туш
Лугьудач за, ваъ, лугьудач за.
Лугьудач за
© Copyright: Адил Агабеков, 2015
Свидетельство о публикации №115033103219
Свидетельство о публикации №115033103219
Рецензии