Вил хьанвай вахъ, Бизар хьанвай къаякай,
Гьисабзавай йикъар мич|и йифериз,
Ингье накь чаз атана югъ алахьай
Гатфари лап шадарна чи рик|ериз
Атана рагъ,хкаж хьана зи гуьгьуьл
Мекьи къаяр алатна зун лап шад я,
Къе-пака чаз аквада хьи къацу чуьл
Гатфар атун пагь гьайванрин мурад я
Къацу пешер ахъайда чи тарари
Гьикьван иер аквада багъ гатфариз?
Са вахтара гатада чил харари
Хъуьреда чаз чими тир рагъ гатфариз
" Ц|ив-ц|ив" ийиз ван къачуда нуьк!вери
Гагь тарарал, гагь-гагь лув гуз чуьллериз,
Нур гуз жеда чуьлда иер цуьквери
Мус аквада бес гьа цуьквер вилериз?
Мурк|ар амач, къвезавайбур ракъар я
Гагь марф къвада, гьар акъатда гарарни,
Къаяр амач, атайди чаз гатфар я
Ам атунал зун хьиз шад я халкьарни
Гатфар...
© Copyright: Саира Сефибекова, 2015
Свидетельство о публикации №115030703160
Свидетельство о публикации №115030703160
Рецензии