О плъэгъун: сыкъэплъэнэп, зысIэжэн,
Сыппымылъэу, сыпфэмыеу язгъэIон.
Укъысэплъэу, шIу сыплъэгъуфэ сыожэн,
Ащ нэужым сыгу илъыр сэ осIон.
ЗысщэIэн, зысщэIэн ощ нэмыкIмэ сэ сяплъын,
ЗызэрэпшIырэм къэмылъагъоу сылъыплъэн.
Ау, тыгъэ фабэу, сыбгъэфабэу сыгу уилъын,
ОсымыгъашIэу, хэткIи шъэфэу сыпфэлIэн.
Укъэплъэн, укъэплъэн сызыфаем уеуцолIэн:
Сымылъэгъумэ угу къэузэу укъэхъун.
Убгъэ нэпкъымэ сэ садэтэу сыолъэн,
Чъые нажъом о ухэтэу услъэхъэн,
СишIулъэгъукIэ хъурэябзэу усIулIэн,
Ащ нэужым, сэ уадэжьы сыкъэплъэн.
О плъэгъун: сыкъэплъэнэп, зысIэжэн,
Сыппымылъэу, сыпфэмыеу язгъэIон.
ШIу услъэгъоу къыосIонэп – синэфын,
СигукIае згъэлъэгъонэп, сычэфын,
Укъысэплъэу, шIу сыплъэгъуфэ сыожэн,
Ащ нэужым сыгу илъыр къыосIон.
Укъэплъэн, укъэплъэн, укъэплъэн…
Сыкъэплъэнэп, зысIэжэн
© Copyright: Анатолий Зекох, 2015
Свидетельство о публикации №115021802229
Свидетельство о публикации №115021802229
Рецензии
