Ви манияр хуш я рик! из, Фаризат
Вуч иердиз вун сегьнедал экъеч|да,
Ширин ванцел мани лугьуз эгеч|да,
Гъвеч|и-ч|ехи кьуьлер ийиз экеч!да,
Ви манияр хуш я рик|из,Фаризат
Гьамиша ви рик|ел ала лезгияр,
Сад-садалай иер я ви манияр,
Вал ашукь я кумык,авар,даргияр
Ви манияр хуш я рик|из,Фаризат
Ви авазри хкажзава чи гуьгьуьл,
Авазва ваз шад манияр ва сефил,
К|анда ваз халкь, к|анда ваз чи лезги чил,
Ви манияр хуш я рик|из,Фаризат
Театрда вун лап хъсан къугъвазва,
Лезги ч|алал гьикьван иер рахазва,
Гьайиф заз вун анжах яргъай аквазва,
Ви манияр хуш я рик|из ,Фаризат
Гъвеч|и ч|авуз ви манияр лугьудай,
За гьамиша валай чешне къачудай,
Шаир хьана чарчел ц!арар акъуддай,
Ваз баркалла,ваз аферин,Фаризат
© Copyright: Саира Сефибекова, 2015
Свидетельство о публикации №115021604706
Свидетельство о публикации №115021604706
Рецензии
