Бехъубил хъалибарг

Лебри ца хъалибарг,
Шатизе цабри ити.
БакIиле хугил баллагь,
Хъалибарг дикIбушиби.

ИтI баллагь хIу цайри,
Царри ну баллагьла бекI,
Гьанна ну це рукIайри,
ГIямру дарри хIуни декI.

Цес хIу иша вакIири?
Цес ну хIуни раргири?
ХIу нуни хъумартуври,
Гьубис ну аррякьуври.

Цен иша агоругье?
Гьаннара дигахъале...
Душибил дигила гье,
Гьанна хуги дагъале...

Их лебил хабар багьун,
Муръул дия уркIухъун.
Их лебилра гIяйбугьуб,
Хинжайчу агоругьуб...

ХIябал бари ихике,
ТIаррукIура ну цIакьле.
ЦIа лубкун уркIилике,
Цабри чархра гIядабле.

Ца замайзе кьутIбикиб,
Жанивар нуни катува
Жан уркIи дурабикиб,
Муръул леври кIайцIува.

ХIили ицIиле уиб,
Даргира гъярдугьуле.
БекIли чидам хIабариб,
Калъурра къагъругьуле.

Кина цайри хIу иле,
Муръуйзе хьарбягъира...
"Баллагь кавшира" иле,
ГьатIира къагърарира.

ХIулбе дицIиб дисали,
Чарх бугьуб дия руржан.
ЛеракIиб амарсали,
РукIахъуле дарман-жан...

Гьанна дигуй агора,
Амарсали итI кавшиб.
Амарсара агора,
ШакIу иле леракIиб.

Хъалибарг дия бехъуб,
Къагърарибил дигили.
ГIямрулзе цIябдеш бухъун,
УркIира бигуб цIали.


(Шур. Урус.мез. С. Герейбеков)