С. Есенин
Накъвар
Накъвар… эгь, мадни и тIуькьуьл тир накъвар,
Гъамар, перишанвал, са шадвал квачир;
Мад мичIер, азият, чкIай хиялар,
Фена гьикI яргъариз, эхир авачир.
Ахпа бес вучин за? Мад азаб чIугван?
Ваъ, бес я… чIавар я ингье ял ядай,
РикIелай алуддай и гъам галай ван,
ГьакIани фаданлай хур галатнавай.
Мани лугьузвайди гьим я верхидик?
И ванер, акI жезва, танишбур я заз.
Ибур мад гьа накъвар… ва и накъварик
ГъарикIвал гала са я жув хайи патаз.
Амма хьи зун ава ватанда хайи,
Жуван хур накъварин къене галудна.
Эгь, аквар гьаларай, тек сура къайи
Ксуз жеда, рикIелай вири алудна.
С. Есенин. Накъвар
© Copyright: Билал Адилов, 2015
Свидетельство о публикации №115012200777
Свидетельство о публикации №115012200777
Рецензии