Чан зи азиз, масан Диде,
Виридалай гуьрчек я вун.
Михьи фикир авай рик1е,
Ширин гафар за ваз лугьун.
Вун экуьнин рагъ я, диде,
Веледриз гьак1 экв гузавай.
Нур аваз хьуй а ви рик1е,
Баларикай чун хуьзавай
Экуьн кьиляй къарагъиз вун,
Ширин ахвар квахьай диде.
Гьар дуьадал рик1ел гъиз чун,
Т1варар кьада вуна сиве.
Чан зи ширин масан Диде,
Икрамзава гила за ваз.
Куьтягь хьана жегьил бере,
Амукьнач вун лацу лиф яз.
Ви вилера гьатна накъвар,
К1вализ гъайла хтул сифте.
Лай-лай ягъиз, ягъиз капар,
Кьуна шаддиз вуна гъиле.
Хтулрикай хьуй кьил вине,
Веледрикай рик1ни шад хьуй.
Берекат я Диде к1вале.
Ин Дуьньядал ислягьвал хьуй.
Дидеяр куьн Аллагьди хуьй,
Чандин сагъвал регьятвал гуй.
Диде такур уьмуьр тагуй,
Гьич садазни и дуьньядал.
Дидедиз
© Copyright: Назиль Махмуд 76, 2015
Свидетельство о публикации №115011802765
Свидетельство о публикации №115011802765
Рецензии