АхIарил неш хIу дия,
Кина аррякьурри хIу?
Цебарша иш дуния,
Цайле цес ратурри ну?
ХIулбе нуни ибхьулра,
Мякьла цен агубри хIу?
ХIаке эш ну умцIулра,
Неш, гIядабле царра ну!
ХIуни нам гIямру гири,
Гьанна хIу аррякьунри.
ХIу цен хал хIарикири,
Цайле цес ну ратунри?
ХIазе бурунра нуни,
Дия дягIямил гьар зат.
ГьигьрукIунра хIа гьигьли,
Гьанна цебарша нам шат?
Агора гьанна шатдеш,
ЯшадирукIуй вай нам!
ХIулбазе леб шершердеш,
Цебарша гьанна байрам?!
ХIулбе абхьес рурусра,
Амма абхьес хIайгахъис.
Ну гьаманра рисусра,
Неш кераэс дигахъис!!!
(Шур. Салим Герейбеков)
Нешла бебкIа-Гуля Минатулаева
© Copyright: Салим Герейбеков, 2015
Свидетельство о публикации №115011611157
Свидетельство о публикации №115011611157
Рецензии