Чан Дах

Фикир тийиз алахъда зун,
Карагзава амма ви чин.
Акъатзавач рик1яй дах, вун,
Сивел алай хъвер ви ширин.

Газет кьуна к1елдай вуна,
Гьар са хабар ахъайиз чаз.
Гъвеч1и ваха гардан кьуна,
Ваз теменар гудай гел таз.

Ктабдиз ви акъатна т1вар,
Лезги ч1алахъ кудай ви рик1.
Жагъур ийиз ц1ийи гафар,
Дуьз гафуниз элькъурдай гьик1.

Ктабар ви, баят хьана,
Вун амачиз-килигдай кас.
Абур акваз зи рик1 кана,
К1валин къене, хьанач са свас.

Векь ягъана хквез к1вализ,
К1ват1ай ц1ипиц1 гудай на чаз.
Вун экъвей чи к1валин чилиз,
Килиг жезвач, гуж амач заз.

Пис хьайила мич1и к1вале,
Хабар хьана дах ви рик1из.
Накъвар к1ват1на жуван гъиле,
Къужахда зун кьуна к1евиз.

Диде туна вуна текдиз,
Авач йифен ахвар адаз.
Зайиф хьанва гзаф михьиз,
Вун галачиз, дах зи азиз.

Акъатзава йикъар, йифер..
Рик1ел хкиз гъвеч1и вахтар.
Накъварикай хьанва селлер,
Хьанач заз вун ахквар бахтар.

Шехьзава рик1 лугьуз тежез,
Гьикьван герек ят1а заз вун.
Тахсир я зун, галк1изва мез,
Незва рик1 зи хиялри къвез.