Дия варгина гъяйзе,
Дунъя цабри нам ца шартI.
ХIаркунра мягIнализе,
Бурибил гъая ца кIантI.
Гьанна хуги вягъиле.
МягIналикера иркус.
Цайгъагъале кайъиле,
КехIайъана ну исус.
Дахъол далкIдешуне лер,
Азаршай дунъялизе.
Дурес дигуте дахъ лер,
Эш дия уркIилизе.
БакIилебар дуния,
Девлекебтли бицIибил.
Унгъ агорил цуния,
УбяхIварес хIязирил.
Нагагьла хIу цайрикIан,
Яшавзе унгъ агорил...
Бурар дахъол гъайбукIант,
КецIтасра хIинри агIнил.
Гьар гьади изунилис,
КецIили убяхI иру.
ЖигIилзан девлекебис,
Миръиле хIяхI лимбиру.
Варе иххъуна кецIте...
КецIте хIина хъуммарта.
Цаби хIяхI лимбируте,
Чукем яшавзе ахъта.
Амма, урхIла адамли,
ВакIиле гIяхIдеш биру!!!
Амма вегIла кецIили,
Пухназе хIу тихъиру.
ИхисхIале бурулра,
Адамике маругьес
БурхIабурар, лукIулра...
АгIнил цаб сахъдеш бяргъес.
КецIил ибил гъай цаб ца лебил...
© Copyright: Салим Герейбеков, 2015
Свидетельство о публикации №115011511712
Свидетельство о публикации №115011511712
Рецензии