Атана вун зи уьмуьрдиз
Сивел алаз ви мили хъвер,
Ширин лугьуз на зи чандиз
Авуна хьи зи рик1ел хер.
Михьи я зи рик1ин хиял
Лугьуз хьана вун к1аниди,
Куьз твазва на хъуьхъвера ял
К1ан хьайила ваз гъейриди.
Чара хьанач яргъаз хьана
Акурди ви тапарар заз,
К1анивал чи на гадарна
Вучиз зи рик1 туна ик1 т1аз?
Табна вуна к1анда лугьуз
Дуьзвал яни лагь гила заз,
Зи сефил рик1 туна ялгъуз
Тадани бес к1аниди ц1раз.
Гана на заз хъсан хабарар
Лугьуз хьана ширин гафар,
Ахъайнай ваз рик1ин дак1ар
Вучиз рик1из авуна т1ар?
Амукьна хьи зун сефилдиз
Вилералди на заз табиз,
Вучда гила хайи рик1из
Вуч себеб тир таб авуниз?
Адилан рик1 хана михьиз
Вуч себеб тир таб авуниз?
Чизва ваз вак тахсир квайди
Куьз лагьанач вид таб тирди?
Вуч себеб тир таб авуниз?
© Copyright: Адил Агабеков, 2015
Свидетельство о публикации №115010809514
Свидетельство о публикации №115010809514
Рецензии