Рак!алдаго бук!инч!о
Ч!ух!арай дида.
Ч!урканал дир береца,
Балай гьабилин.
Дур беразулъ бугеб чалухлъи,
Чидахъ кинан дица хисилеб.
Дур чорхолъ бугеб хваяб хинлъи,
Лъиде юссун к!очене телеб?
Ч!аголъи дир бикъулел,
Дур ц!ах!ил берал.
Г!ищкъул къеч буссинег!ан
Гьекъезе анищ?
Къадги бакъул нур ссунеб,
Сабураб гьумер.
Сабру дир т!аг!ун бугин,
Гурх!а рокьуда.
Дур беразулъ бугеб чалухлъи,
Чидахъ кинан дица хисулеб.
Дур чорхолъ бугеб хваяб хинлъи,
Лъиде юссун к!очене телеб?
Дунги яле хазина,
Г!умрудул нухда.
Рокьул г!азаб х!ехьезе
Х!адур йик!инч!о.
Х!алихьатал к!алаца,
К!улалги рич!ун.
Рич!ч!ич!о нилъ цоцазда,
Гьанже ургъе мун.
Дур беразулъ бугеб чалухлъи,
Чидахъ кинан дица хисилеб.
Дур чорхолъ бугеб хваяб хинлъи
Лъиде юссун к!очене телеб?
Дур беразулъ бугеб чалухлъи
© Copyright: Аминат Максудова, 2015
Свидетельство о публикации №115010203745
Свидетельство о публикации №115010203745
Рецензии