Севги дуйгъусы артып,
Джошкъунлыкъ къавийлеше.
Бири-бирини тапып,
Эки гонъюль бирлеше.
Биз сизни давет этемиз
Булунмагъа шенъликте.
Той акъшамыны истеймиз
Кечирмеге бирликте.
Келинъ, якъын достларым,
Бизлерге къошулынъыз.
Сайгъылы танышларым,
Байрамгъа буюрынъыз!
Бойле къуванчлы тарзны
Нафиле къачырманъыз.
Муим вакъиамызны
Келип ярыштырынъыз.
Олсын, бизим тоюмыз
Дюньямызгъа танылсын!
Токътамайып сазымыз
Гурь хайтармалар чалсын!
2009с.
Тоюмызгъа буюрынъыз!
© Copyright: Батырова Эльнара, 2014
Свидетельство о публикации №114123100083
Свидетельство о публикации №114123100083
Рецензии
Фото взято с интернета. Спасибо автору за это!)
Батырова Эльнара 31.12.2014 00:10 • Заявить о нарушении
Батырова Эльнара 31.12.2014 00:10 • Заявить о нарушении
