У чаканнi навагодняга свята

                Сярод смуглявых братоў -
                Белая сястра-паненка,
                Сярод чорных хмызоў
                Загубілася елка.
                Расце яна адна -
                І няма ёй сяброўкі,
                Гляджу з аўтобуса вакна -
                Аж нейяк нялоўка.
                І сама я абкінута
                Многім чым у жыцці,
                Дык і зямля-папар пакінута,
                Каб потым зацвісці.
                Хваёвыя шаты
                Льюць зялёнае святло.
                У шэрані іх лапы
                Прывыклі да холаду даўно.
                Глянь,елачкі-падлеткі
                Падбеглі да дарогі.
                Крыштальныя балеткі
                Абулі іх ногі.
                Глядзіце,малыя,
                Вам рана яшчэ ў свет.
                Хваіны старыя
                Не далі абярэг.
                Дзед Мароз ідзе,
                Футра на ваце.
                Азірнуцца не паспеў -
                Елачкі на свяце.
                І зялёная паненка.
                Мо тая,што з хмызоў.
                Ну добра,дзеўка,
                Тут многа прызоў.
                Пад'язджаю да сталіцы,
                Сціхла і мяцеліца.
                Праменні-агнявіцы
                Сонейка цепляцца.
                Яно зімовае,барвовае,-
                На мароз. значыцца.
                Душы паловаю
                Трэба тут адзначыцца.
                А другою паспешліва
                Імкнуся да сяброў,
                Бо маладосці чарэшня
                Цвіце там ізноў.
                Цвіце жыццё
                Навагоднімі кветкамі.
                Цвіце ж яно
                І роднымі дзеткамі.
                Няхай цвіце...