Дахэу налмэсэу ошIэтми,
Ужъуагъоу ошъогум уитми,
Хэт къыпфидэта уготэу,
УчъыIэу, фабэ къэмытэу.
Уашъуи, чIыгуи фимыкъоу
Уигъотфэ хэт къыплъыхъута:
Жьым хэтэу джадэу лъэбакъоу,
Уадэжьы фэмыхъоу къэкIота.
ЧъыIэм имастэ хэуагъэу,
Хэта зызымыутIыIугъэр?
Къушъхьэпсы чъыIэм хэхьагъэу,
Хэта бэрэ хэсыгъэр?
Уасэу уиIэр бгъэбагъэ,
Лъагэу пIэтыгъэ уишIэт;
Угу о зэгорэм фэбагъэ,
Аущтэу джыри щыгъэт.
ЧIы шъхьашъом о утемытэу,
Дахэу налмэсэу ошIэтми
Жъуагъоу ошъогум о уитэу -
Сезэгъы, угу фабэу щэрэти.
Жъуагъоу ошIэтми
© Copyright: Анатолий Зекох, 2014
Свидетельство о публикации №114122809056
Свидетельство о публикации №114122809056
Рецензии
