Фазу Алиева Материнский наказ дочери

Фазу Алиева
Дидедин патай рушаз меслят...

Чан зи руш, вун физва к1вализ чарадан,
Гьар са кIвал - са девлет, гьамни са дамах.
Адахъ ава вичин ацукь-къарагъун,
Вичин къанун, вичин къайда, вичин гьахъ.
Харувилер хкадара на михьиз,
Ая гьуьрмет на абурун адетриз,
Са кьецIиди аватIа, вун дирек хьухь,
Са буьркьуьди аватIа, вун куьмек хьухь,
Ихтибарда ялав кIвалин
Инлай кьулухъ гьамиша ваз,
Курай ама, экв хьиз вилин,
РикI кудай хьиз, къене ргаз,
Алакьа куз ялав чIехи
ЦIверекIдикай са гъвечIи.
ЧIехи са фу чрач вуна
Са тIимил кьван гъуьр кьуна.
Чан зи руш, вун физва кIвализ чарадан,
Ана жеда вичиз махсус жигъирар,
Акъваз, килиг, вегьидайла кам жуван,
КIвач эцигдай са чка на жагъура.
Верци гафар ава гьихьтин, нурар хьиз,
Заха хьухь вун, мили гафар лагь вуна.
ГьакIни ава залан гафар, тIурар хьиз.
Фикир гана акъуда гаф, сив хвена,
Чан зи руш, вун физва кIвализ чарадан.
Йисаралди къуй хьурай ваз ам хайи,
Вилик галай гьар са затIни ваз адан
Виртер, ракъар хьиз, акурай чим гъайи.
Гьуьжет мийир садрани гьич кьил кьуна
Адан эхир - бедбахтвал я, татуй хъел,
Жуван хъилер цIура на, циз вегьена,
ЦIурурдай хьиз адан къене са гъвел кьел.
Чан зи руш, вун физва кIвализ чарадан.
Ана жеда гьар са чIавуз вилер вал.
Вун зи бегьер, фу тIуьнач хьи гьарадан,
Ваз килигна, эцигда са къимет зал.
Вун акахьа абурук, са дуст хьана,
ГьакIни садикь паб хьурай вун чIерехдай
Са аскер хьиз, акъваз амма лагьана -
Гьикьван ксар аку ава къерехда?