ХIайгулис малугадая

Аллагьизена цIакьле
Рурси тиладирукIар,
Гьубис малуга иле,
Дия дигуй лев рукIар.

Рурсила неш дудешла
БекIизе арц цар дузуй.
БикьхIабикьу бисала,
Рурсила гьубис лугуй.

Дудешгъуна адамис
Девлекебле угьале.
Их дигахъу гес гьубис,
Арцли пухIукIухIале.

Рурси кьабулхIариркур,
Руэс хIайгуличу рарх.
Жагь гIямру деркьудиркур,
ЗягIип бурар лебил чарх.

ХIайгулис хIаррукьесла,
Бужа агъу рурсили.
Аркьян мякьла Аллагьла,
КахIалъува минутли.

Рурси хIяре рихьиле,
АрхIякьян дахъол заман.
Неш дудеш агьи иле,
Бисур, букIуле аман.

Бикиб укундулизе,
Амма заман кьамбугьуб.
ГIянжила бурушизе
Пашман рурси кIапIругьуб.

-Бирис нуни тилади,
Гьарил неш дудешизе,
Рушиле рурси бекIуди,
Марурцидая зулмулзе.

ХIушани кебаъая,
Их рурсили барибил.
Дигуйлис ратерая,
ЦайкIара арц агорил.


Перевод

Аллагьлизиван цIакьли,
Рурси тиладирикIар.
Малугабагу шери,
Наб вигул левну рикIар.

Рурсила неш дудешла,
БекIлизиб бучIар давла.
Я хIебикьу бисала,
Шери хIейгул рурсила.

Дудешгъуна адамлис,
Давлачевсину или,
Сен шери редлугусив,
ПухIикIаллира арцли?!

Рурси кьабулхIериркур,
Руэс хIейгусичил рарх.
Жагь гIямру заядирар,
ЗягIипбиркур лебил чарх.

ХIейгусилис ил хIякьян,
Бужа агъу рурсили.
Аллагьла мякьла аркьян,
Минуталра кахIели.

ХIяри карихьиб рурси,
Хумаркабиуб бегIти.
Гьар дуги-бархIи биси,
КартIиб нургъби кьудкьути.

Илди пашманбиилри,
Амма гIяхIдеш агара.
ГIянжили кIапIбуцилри,
Язихъ рурсила чархра.

-Тилади саби дила,
Гьарил неш дудешлизи.
Марурциядая рурси,
ХIушани зулмулизи.

ХIушани чебаая,
Их рурсили барибси.
Вигуйлис ратеная,
Виалра арц агарси.