(перевод шедевра Михаила Лермонтова на шорский язык)
Чагыска чолга мен шык-турчам,
Кадыг чол тубанда чылтрап парча,
Шым караа Кудайга тынънапча,
Чылтыспа чылтыс чооктажыб-алча.
Ёре тегриде магат танъзыныштыг,
Эбре черим сустап чатча, конып.
Мага чы чёёк ээде аарыштыг?
Сактапчам ма, ачынчам ма нооны?
Сактабанчам нооны да пирда,
Нооданъ да учюн мен ачынманчам.
Абыр, пош поларга – сагыжымда,
По чашка узурга санап парчам.
Узузам, чер алтында эбес –
По черде узурга санап парчам.
Узузам, кюш, тыным юзюлбес,
По чашка тириг узуй, сананчам.
Кёёнънюмге чет-кел, кюндюс-караа
Чараш юн – ак сарыным сарназын.
Мененъ ёре – карар-кел тура,
Эмен пай агаш, мюккей, шоолазын.
11 дек.2014 г.
Выхожу один я на дорогу
© Copyright: Геннадий Косточаков 3, 2014
Свидетельство о публикации №114121309374
Свидетельство о публикации №114121309374
Рецензии