За вичиз гьуьрмет ийизвай Гюзел вахаз бахш яз.
ЧIулав вилерин, чIулав тиллерин,
Жизви бурма квай кифер авай, яр!
Яргъал рекьерин, дерин сирерин,
Кьефесда лацу лифер авай, яр!
Мециз ширин тир, зигьин дерин тир,
РикIиз кIани тир, лугьун-хъуьруьн тир,
Ашукьбур патал рагъни серин тир,
Дагълар кIевирдай цифер авай, яр!
РикI михьи пек тир, вацран нур экв тир,
Билбилар патал багъ хьиз герек тир,
Къизилгуьллериз атирдин нек тир,
Бахтлу рекьерин сефер авай, яр!
Сажидиназ вун хуш яз акуна.
Женнетдай атай къуш яз акуна.
Махарик жедай руш яз акуна,
Кьисмет тежедай кефер авай, яр!
Ч1улав вилерин
© Copyright: Сажидин Саидгасанов 4, 2014
Свидетельство о публикации №114121310159
Свидетельство о публикации №114121310159
Рецензии