Ша д1абожабелла
Дечге бахна сту а,
1одара д1ахецча
Хьалхха боьжна ч1у а,-
Ларт1ехь дац уьш, данне,
Вай мел х1уъа бахарх.
Кхаа-деа марехь
Еача тар ца йелла,
Шина-кхаа стечух
Зуда йацаелча,
Кхин х1уъа делахь а,
Адамхилар дац-кха!
Свидетельство о публикации №114121208769
Пайден хьехам шайца болуш, вайн дахарера лазамаш-сиркхонаш бахьанехь ойлайан кхойкхуш, цуьнца цхьаьна орца дохуш йу уьш. Цундела и мог1анаш дешначунна ша хан эрна йайина аьлла муххале а хетар дац, мелхо а беркат эцалур ду царах.
Вайн къоман мотт бу цаьрца, аьхна, мерза, хьоле, муттане болуш... 1ильмадин байташ - ношйелла поэзи йу. Царах марзо иэца мегар жимачо а, воккхачо а.
Асламбек Гайтукаев 06.06.2022 13:51 Заявить о нарушении