Зи фикирда са гаф ава лугьудай
Хъел къвемир ваз,табиз к|ан туш зи рик|из,
К|анда лугьуз ,масад жувахъ агудай
Регъуь тушни гьич са к|усни ви чиниз
Вун к|ани рик| вуна к|ус -к|ус авуна
Ваз "к|аниди" гьик| лугьуда жаваб це,
Хуьда ви рик| лагьана рик| къачуна
Минет я ваз гила зи рик| зав вахце
Саламат жез хъел жезвачир садрани
Амма гзаф эхна хьи за ,мад жезмач,
Зи рик|икай чизвач хьи гьич садазни
Сифте хьиз зун шадвилелди хъуьрезмач
Зи шиирра ви тариф за ийизвай
Еке гъалат| ахъайна вун к!ан хьана,
Вун яр тирди дустаризни зи чизвай
Муьгьуьбатди ц|ай галачиз зун кана
Вуна лагьай гафар рик|яй акъудда
Таб тир гафар за зи рик|е гьич твадач,
Вун рик|елай яваш-яваш аллудда
Къакъатна чун ,санал чан яр чун жедач...
Къакъатна чун...
© Copyright: Саира Сефибекова, 2014
Свидетельство о публикации №114121006257
Свидетельство о публикации №114121006257
Рецензии
