Дунял хисаниги хивал гьабуге
Хварабин гьоркьоблъи нилъер цебего.
Кинго хьулги лъоге заман аниги,
Ч!ег!ераб т!анк! лъунин дуца дир рек!елъ.
Дов Аварагасул(г!,с) Фат!иматие,
Г!умар гурищ гьудул вокьун вук!арав?
Бичас зобалазда къаламги борхун,
Къадар хъвараб долъул г!умроялъ Г!алий.
Ромео Джульета щиб лъугьун хварал?
Рокьуца гурелищ рух!ал росарал?
Мах!мудилъа Муи нахъе ячинч!ищ,
Хъамуниги гьеси гьей теч!о гури!
Берталъ Элдарилас загьро гьекъеч!о,
Загьролъун лъугьараб рокьи гьекъана.
Къайисилгун Лейлал къисмат раг!ич!ищ?
Къадар гьеч!еб рокьи г!емераб гьеч!ищ!
Къоло цоабилеб г!асро гуребищ,
Гьудул нилъер гуреб рокьи ккеч!ебищ?
Гьал кинал г!адамал гьаз бицунеб щиб?
Нилъ гурого чанай чиго вахъинч!ищ?
Мечтать не вредно
© Copyright: Аминат Максудова, 2014
Свидетельство о публикации №114120706786
Свидетельство о публикации №114120706786
Рецензии