Арцис рициб Меседу-шурбат

ГIумуха гьаргола лерри русуле,
Вайил муэр кебаиб, рачарархиб,
Меседузе неш лерри вярукIуле
Це рукIуда неш? иле тIама дариб.

Хъали бицIибил девлекеб нукерте,
Гьарго бицIахъибил багьай халтIурбе
Рурсили кедаиб, кехIадаибте!
Муэр цабу иле суркдариб хIулбе!

Намзе бурагу неш, цецара ишти?
Дия гIямрулизе кехIадаибил?!
-Савгъатуле, цаби нукерте инти,
Ханнис хIу гьубис аррукес бакIибил.

-Неш, мале рирцулрав багьай халтIурбас?
Гатибил ябнас абзар бицIахъиле!
Мале рирциду кинала ханнанас?
Арцанаке хIулбе дура дикиле?

-Нуни це бариша, дия Меседу?
ХIу эн хIа дудешли царри рирцуле.
-Бура неш, рирцахъуле ну рууду?
Царрив неш, намке хIа уркIи хIайзуле?!

ДуцIрухъун Меседу дудешла мякьла,
КIатIи бажиле кьяшмаке бекI бихьиб,
Кьункьубаке рикиб дягIил чIябалла,
-«Ханнис малуга ну», тиладибариб!

Цес цайра хIалугуй хIу нуни ханлис?
Дия хъулре арцли дицIахъибхIале!
Малуга иле букIуй цаба целис?
Дия уршбас дахъ ябне гатибхIале!

БекIудиле пашманругьуб Меседу,
Укьлавзакан дурадяхIизе тIариб.
Кеиъиб дигахъуй, иб намчу урхуду?
ЛинчIрукIуле чархике гьашикьвариб.

Чарх буцахъиб дигахъуй уршилзе,
Гьанна аррукая иб нукертизе.
Рагъахъая иб ну рицибил шилзе,
Рурси хIинле рурхус ну ханла хъайзе!

Меседу аркуле рицибил Масис,
Бягъиб девлекеб, гъугъай ханла хъайзе.
Шин иле гъайрухъунхIале дазалис,
Чягъила хъаба бихьиб шия мелзе.

ДехIебгъалис цурала гули бихьиб,
Руциб Меседу дахъол зулмуртазе.
Нешизе саламт дурая иле иб,
Аргъахъиле царил ну зулмуртазе!

-Ну рициле арасибил цIуба ябне,
ХIяна дудеш эбкIаб, изалзе икиле.
Нам багьалис гибил багьай хIалтIурбе,
Бихьри дараб, узи-урши бебкIибхIале.

ХIябдарш рурси бараб дия дудешис,
Бицесана талхъунтала нас масис!!!


Шурбатур дарган мезизакан Герейбеков Салимли.

                Сукьур Кьурбан-Маслис рицай Меседу-оригинал.