Хийирдин гаф – дуьа хьиз я сувабдин,
Бейкеф жемир геж ятІани жавабдин.
Ваз хайи югъ мубаракрай, Фаризат!
Таза-таза шишер ягъиз кабабдин,
Вишер ягъиз ширин чехир-шарабдин,
Билбилдин сес табаракрай, Фаризат!
Са Сажидин туш ашукь ви сесинал,
Яб акализ галат тежер нисинал.
Пехилбурун буба вакрай, Фаризат!
Кьил тухвана эцигайтІан рейсинал,
Алакьунар къачуз жедач бягьсинал,
КІвал ацІуй ви тадаракрай, Фаризат!!!
Фаризатаз
© Copyright: Сажидин Саидгасанов 4, 2014
Свидетельство о публикации №114112611055
Свидетельство о публикации №114112611055
Рецензии