Гупсысэ куухэм иубыдауэ...

Дин зимыIэр мэхъу тхьэмыщкIэ
ЦIыхум ебгым къытохуэж,
ГъащIэм зым уемыгупсысым
ГъащIэм фIыкIэ зимыхъуэж
Гупсысэ куухэм иубыдауэ
Нарт Сосрыкъуэ к1уэц1ырок1,
Земык1уэжыфу ар джэлауэ
Гупсысэм хэту и псэр хок1.
Къыхок1ыр и псэр псынщ1э хъуауэ
Дунеижь гуащ1эр ебгынэж,
Тхьэрыкъуэм хуэдэу псэр хъужауэ
Сосрыкъуэ уафэм мэлъэтэж.
Док1уейри уафэм Сосрыкъуэ
Щелъагъур уафэм нарт шу куэд,
Хэт щотхъэр уафэм, хэт щаук1ыр
Щаук1хэм я псэхэр мэк1уэд.
Зы нарт Сосрыкъуэ иук1ауэ
Сосрыкъуэ щыплъэм къец1ыхуж,
Удыгъэ нартым зырихьауэ
Яук1ыр нартыр, мэгу1эж.
«Уэ Сосрыкъуэ, мывэм и къуэ
Удыгъэ сщ1ащи, сэ саук1,
Нартыжьхэм псоми уэ яже1э
Удыгъэ 1уэхум ф1ы къимык1.
Яук1ыр нартыу щхъуэ зезыхьэр
Удыгъэу тщ1ахэр ди псэм док1,
Даубэрэжьу щхъуэ зытахэр
Мыхьыну мыхьыр ди псэм пхок1.
Абык1и 1уэхур къыщымынэу
Ди гъащ1эм кхъуэу дыкъытохьэж,
Сэбэп зы ц1ыхуи къытхуэмыхъуу
Сэ жанк1э ди щхьэр дэ пагъэж.
Аргуэру дохьыр мыхьыр куэду
Аргуэру кхъуэуэ дыкъалъхуж,
Даук1ыр ц1ыхухэм кхъуэ ук1ык1эу
Уэ нартхэ! Щхъухь фэ фымыщ1эж».
Кумбыжь къат1ауэ здыщ1алъхьэжым
Сосрыкъуэ и псэр къыхохьэж,
А 1уэхум лъандэрэ зы ц1ыхум
Удыгъэ зей зримыхьэж.
Псалъэжьу къок1уэр ижь ижьыжк1э
«1эплъэпкъ зыук1ым умимыук1
Уеук1ыр уи псэр уэ зыук1ым
Пэж диным ц1ыхухэ фэ фимык1».
Зэманыр мак1уэр, ц1ыхуу куэдым
Т1эк1у-т1эк1уу псор ящогъупщэж,
Алыхьыр куэдым я ф1эщ мыхъуу
Язым я 1уэху зы1агъэхьэж.