Нана човхий цхьамма,
Нана 1адий цо.
Дича кхин ца маггал
Вониг ди-кха цо!
Чухула садие1ар
1инчу кхоьсси цо.
Хилла дегайовхо
Шийла-шелйи цо.
Кевнан ц1овзам ларбеш
Сема 1ийна ерг,
Массо вонах ларвеш
Гонах хьийзинарг,
Човхо эхь ца хийти,
Холчах1отий,--эх1!
Ненан дог 1овжийча
Ца хии дуй эхь.
Толам цунна белла,
Нана-м 1адда1ий...
Несан б1аьрахьалха
Ма делира-кх и!
Чекхсагайти... шиннех(!)
(Хаац лалурий!).
Ишттачуьнгахь марехь,
1ан а дог1урий?
Ламаз юкъахдаккха,
Нанас мохь тоьхча-1,
Магийтина хилча,
Васхиларх ларйеш,
Ма къахьарчий к1анта,
Оццул к1оршаме
Хилавелла цуьнца...
Х1ай, хьо доккха эхь!
1-Бусулба дино магадо нанас арара чу
мохь тоьхча ламаз юкъахдаккха, цуьнан хьурмат гучудаккхархьамма
Нана човхий цхьамма,
© Copyright: Ильмади Цоккуев, 2014
Свидетельство о публикации №114111904696
Свидетельство о публикации №114111904696
Рецензии
Дика т1е1аткъам бийр болуш, говза х1оттийна ду дахаран сурт. Хьал - орца дохуш ду, вай дерриге ойлайан кхойкхуш. Шен дагах чекхбаьккхина авторо и лазам.
Ларамца,
Асламбек Гайтукаев 31.05.2022 14:25 • Заявить о нарушении
Ларамца,
Асламбек Гайтукаев 31.05.2022 14:25 • Заявить о нарушении