Нохчийчоьне
Сан са худалойла !
Дегнаш--
Иллийн хьостанаш--
Хьуна къий ма лойла !
/ З. Байхаджиев/
Валлах1 хаац суна-м...
Хьох х1ун ала деза.
Муха йийца йеза,
Гучадоккхуш йезар.
Хьуна х1айкал даккха
Хьадисийн хат1 1амош,
Хьевели, ца ларош,
Лиънарш цхьаьнадало.
...Аьр-кх, ларавеччул,
1иллинарг чохьтийна,
Ойланехь техкийнарг,
Волччура суо дийна.
Суна карор дац-те
Хьоьха ала дешнаш,
Лазадохуш дегнаш,
Цхьанне а ца хезнарш.
Наха аьлла "бакъдерш"
Лаац юхадийца.
Яздийр дара-кх ц1ийца...
1ожалла 1ад1ийча-м.
1аьвшшина хьох алан
Дешнаш карадаллац,
Тебна1ар дахделла,
1ожалло д1акхаллахь,
Забаренна доцуш
ХЬО езар а эцна,
Муха г1ур ву "эцца",
Висахь аз а лекъна?.
.
...Хестийна хьан лаьмнаш,
Меттамот уьш лоруш,
Шайн г1овла ю, бохуш,
Сий 1аьршашка дохуш.
Гезйина аренаш
Гатте хьаьхначара.
Доза юхадара
Шайн кхажбаьллачара.
Уьш а хилла хир бу-кх
Г1улчийн маршо лоьхуш,
Некъийн г1уда хьоьгуш,
Бергийн лараш йоьг1уш.
Дурсаллин закъалташ
Т1УЛГАШ т1ехь а дешна,
Уьш шайн иэсехь лезнарш
Бара-кх К1ЕНТИЙ- (1) маьхкан!
.
Даим сийлахь долчех,
Хьуна тиешам болчех
Делахь мах бу иллин,--
Ас х1ара кхиеле дилли-кх.
...Со кхийдина барам
Муьт1ахь хиланц вайна...
Юханекъехь ала-м
Диезар ду дош... тайнарг !
(1)--(М-С Гадаев, М., 1., Мамакаевг1ар,
А,Сулейманов, А.Айдамиров, и. д1. кх.
дагахь болуш.)
Свидетельство о публикации №114111904175