БецI-жанивар яра адам-жанивар?!

Их гьапIбурулри, ихике дирхъулри адамлани.
ГIяргбукIуле, кабиркуле дягIил дяхIилизе.
Жанивали балун цаби берцес бурхIабурни,
-Адамикем вайил жан агора дунъялизе.

Их замайзе дунияла итил бегIел шайзе,
Варгил рурсили, жиррукIуле ругьубил койзе,
Агорбирахъулеруиб дурхIя тухтиртизе,
-Адамикем вайил жан агора дунъялизе.

Убисуй дурхIяла тIама бикьан ца агора…
Кумек тIалаббируле уар: «КIарицIе неш, неш!!!
Убмайсида ну хIа койзакан, камил яхI бара,
Вати ну акIес! кебаиша дунъяла шадеш!!!»

Бяйгъи бецIбегIел гьапIбурулри ахъри делгъуле,
Тупангулачу цаб арагъбихьибил адамле.
Буар бецIике гьанна ихти халкь гIяпIигъуле,
БецIли хIяшдариб нургъбе кIабицIува шяпле…

ИтI дурхIя исуле, камаршаба неш ну иле!!!
УкIулевар: урехила цаб хIакIува эбкIес…
«Ягъариб неш гьанна каршиду ну мяштхIариле»,
Дигахъисарчи неш нам хIу акIува кераэс.

-Амма багьен хIуни-хIа нешис хIу агIнил хIинри.
ГIядат агора силрукIуле дурхIя улкIахъуй…
ХIу дунъялике акIале буршав уруй цайри,
ХIа неШис гIуррара силрукIас цари дигахъуй!!!

Ахъри дегъуле кьяшмазела итI бецI кабикиб,
Цуния дурхIназакан адамле гьарахъбариб…
ДурхIне кахIадушахъес бецI хIяракатла бикиб,
ДурхIназакан гьахъ-гьахъле бецIли цуния хIал гиб.

-ГЬАННА БУРАЯ ХIУШАНИ ЧИН ЦАЯ ЖАНИВАР?
ЦУНИЯ ДУРХIЯ КАРШУЙ РУРСИ ЯРА БЕЦI?!
БЕЦIЛИ БАРИБ АДАМЛЕ ДУРХIНА АЛАВКА АГОР,
РУРСИЛИ КАВШИБ ДУРХIЯ УРКIЕЦIИ АГОЛЕ ГЬЕЧ.