Агь зи кьисмет, куьз ганай вун бахтсуз яз,
Бахтлу йикъан рагъ ви кьилел алайла?
Зи уьмуьрдив агатда вун вахтсуз яз:
Вун кьуьд жеда, зун гатфарив рахайла.
Вун себеб яз къакъатна зун ярдивай,
Саил хьана чуьллерава, бейниван.
Амукьнава хьана кеспи-кардивай,
Агь зи кьисмет, къвезвани ваз, лагь, зи ван?
Гару ягъай жансуз пеш хьиз паркара
Къекъвезва зун, амма ви гел авач, руш.
Ч1улав цифер гьатна ракъин нурара,
Я Сад Аллагь, ийимир заз дуьнья буш...
Зи т1авус къуш, чун ацукьай куьруьдал
Хъипи пешер ацукьун вуч инад я?
Гьа вилик хьиз, вун мет1ерал ацукьна,
Теменрив марф къурун рик1ин мурад я!
Махачкала, 1975
***
© Copyright: Куьре Абид, 2014
Свидетельство о публикации №114102809519
Свидетельство о публикации №114102809519
Рецензии