ББС
(баба бабе скажа).
Сядзяць пляткаркі ля акна -
Язык на падбародку.
У кожным доме хоць адна
Ды ёсць такая цётка.
Як над'зіральнікі ў турме,
Стрыгуць людзей вачыма,
Нават блыху не праміне
Іх язычок, магчыма.
Суседзям так надаядуць,
Такія вось бабулі,
Бо нават позіркам з'ядуць,
Калі не скруціш дулю.
Перамываюць косці ўсіх
Шпіёны с Бэбээсу…
Напэўна, бачылі такіх,
"Агентаў жоўтай прэсы".
І не даходзіць да дурнот,
Што іх абрыдла слухаць.
Сусед шукае кулямёт,
Каб выратаваць вуха.
Фота интернет
Агенства-ББС
© Copyright: Людмила Воронова Супрун, 2014
Свидетельство о публикации №114101900426
Свидетельство о публикации №114101900426
Рецензии
