Сен меним мелегим,
Мен сенсиз оламам.
Сен меним фелегим
Иджрангъа даянмам.
Акълымда, тюшюмде
Тек сени корем.
Сен меним бир данем,
Екяне ярем.
Мен сенинъ юкъунъны
Дешеттен сакълайым,
Эп къоркъу-перванъны
Рюзгяргъа ташлайым.
Сен меним къуванчым,
Йылдызым меним.
Зорлукъта таянчым,
Назик чечегим.
Сен олсан янымда -
Бу манъа етер.
Сыкъылгъан джанымдан
Гъам, къайгъы кетер.
Эгер де бир куньде
Сени тапмасам -
Шу аньде бир нефес
Алып оламам.
Сен меним мелегим.
Тек сени севем!
Сен меним юрегим,
Екяне ярем.
2009с.
Екяне ярем
© Copyright: Батырова Эльнара, 2014
Свидетельство о публикации №114100907108
Свидетельство о публикации №114100907108
Рецензии