Цес ну иргIяхъири?

Салим Герейбеков
УркIи аргъибил дигахъуй лер иле гьанбикиб
Диги марил хIинле дия гIямру деркьудикиб.
Дигахъис рукIуле гьади кьялилзе иргIяхъиб,
ЛапI арагъа дия мякьизе цари хIаракIиб.

Гьанна цархIил кудилике жан диги дихьиша?
ХIу ана уркIилзе кудил кьабул рарахъиша?
Вай аман гьанна нуни цегъун амал бариша?
ХIу мякьла аголе гьанна ну цен-цен уиша?

Гьанна бекIуди икиле угьулра ну пашман,
Цес ямандеш дарири нам хIуни гьей дурашан?
Ватурри мелзе хIуни укIахъуле ай-аман,
ХIа уркIецIи агор уркIилзе хIарахъири шан.

Ну инцада хIатI хIайгахъесла цес иргIяхъири?
Цес хIуни дия жагьил гIямру заядарири?
ХIаке нуни цен уркIиличу диги дихьилри?!
Гьанна арале хIуни ну хIябразе ихьири.


© Copyright: Салим Герейбеков, 2014
Свидетельство о публикации №114092804781
Список читателей / Версия для печати / Разместить анонс / Заявить о нарушении
Другие произведения автора Салим Герейбеков
Рецензии
Написать рецензию
Другие произведения автора Салим Герейбеков