Шабалутдин чІар кІватІна келледал,
Ви абурар кхьизва са гьелледал.
Дамахдавай, гуьрчег беден-къаледал,
Руш тир чІавуз хупІ гузел тир, Казима?
Ви къаш-къамат акунмазди хуш хьана,
Са бязибур, ваз тамашиз буш хьана,
КилигайтІа яхулжуван руш хьана,
Руш тир чІавуз хупІ гузел тир, Казима?
Исятдани дишегьли са яшарин,
Шагь хьтин вун ама юкьва рушарин.
Вилер чІулав муьгьуьббатдин къашарин,
Руш тир чІавуз хупІ гузел тир, Казима?
Зун-Сажидин лезги халкьдин шаир тир,
Шииратдин нагъмайралди загьир тир,
Багъишнавай и чІал къе ваз магьир тир,
Руш тир чІавуз хупІ гузел тир, Казима?
Казима
© Copyright: Сажидин Саидгасанов 4, 2014
Свидетельство о публикации №114092008059
Свидетельство о публикации №114092008059
Рецензии