Цалис ца дигахъуле
ХIинривтIи дархдикибил?!
Дигахъисра укIуле
ХIинривтIи хIатI ракIибил?!
Гьанна ратува мелзе
ЦархIилике аркьулри.
Дарх диркIуй дусма гъаза
ХIуни заябирулри.
ГIур цархIил уршилике
Диги дихьес хIарурус.
Ца хIял леби чархике
ХIаке пикри рукIулрус.
УрхIли дякьхIядякьибил
ХIазе гъай хIадурирав?!
Лер иле дигахъибил
Гьанна ну леракIирав?!
УркIилизела диги
ЛугхIалугас цархIилис.
Аман, цIакьле иргIири
ЦархIил рурсила чархис.
Гьанна ну рисулерус
ЦIябил хIяре рихьайкем.
ХIу хъумартес хIарурус
БебкIа намке бакIайкем.
ХIулбе дисиб ахIарил
Лерил нургъбе дегъойкем.
ХIулбазакан цIударил
ХIиме дашандугьайкем.
Рахле ажал дягъиле
Руцале бихьрилизе
БяхI дия хIяшбариле
КIапIрара гIянжилизе.
Песня
ЦархIил рурсила чархис иргIири
© Copyright: Салим Герейбеков, 2014
Свидетельство о публикации №114091600997
Свидетельство о публикации №114091600997
Рецензии