Тухузва вун, мехъер я къе
Бубад к!валяй гъуьлуьн к!вализ.
Ви багърияр дустар я къе
Атанвайбур ваз тебрикиз.
Аллагьди ваз гурай бахтар
Заз играми азиз тир вах.
Гъил-гъиле куь хьуй жегьилар
Ваз мехъерар мубарак вах.
Зуьрне далдам алаз хьурай
Мани ягъиз ван чук!уриз.
К!анивал куь к!еви хьурай
Ц!ийи хизан муг т!уьк!уьриз.
Мубаракдин ширин гафар
Багъишзава Гамзата ваз.
Яргъара хьуй дердер гъамар
Рик! шад хьана акурай заз.
Мехъер мубарак вахаз
© Copyright: Гамзат Усманов, 2014
Свидетельство о публикации №114091409086
Свидетельство о публикации №114091409086
Рецензии