Зулун варцар
Зулун варцар.Вил вегьен кван ерийрал,
Берекатар, бул бегьерар ават1а,
Гьейранардай къаймахрални нисийрал,
Чи яйлахра суьруь, нехир амат1а?
Уьзуьмлухар акуна заз къалгъанри
Кьунвай, ципиц1 куьрсар хьанваз цагъамдихъ,
Тазмачир хьиз ван мехъеррик ч1агъанри,
Ич чуьхверни хьанач хьи ц1и макандихъ.
Баябан я жанлу чуьллер шумуд (йи)сар,
Къвекъвезва зун зулун тумар кьуьгъверихъ,
Сарубугъдад фу вегьедай ама хьар,
Мус агалтда яд бубайрин регъверихъ?
Зулун варцар. Базарар чи ац1анва
Бул няметрив чара патан, емишдив,
Заз гьайиф я. Зун къал ийиз к1анз кк1анва,
Вуч сабур ква лезги халкьдин еришдив?!
1.10.2013 йис
© Copyright: Джарият Магомедова, 2014
Свидетельство о публикации №114091309408
Свидетельство о публикации №114091309408
Рецензии