Играми зи ширин диде
Виридалай к!ан я вун заз,
Вун гьамиша шад хьуй диде
Вун пашман яз такурай чаз
Ви рик! сагърай чан зи диде
Икьван пара зун к!анзавай,
Вун Аллагьди хуьрай диде
Югъди-йифди заз чанзавай
Ви зегьметар чан зи диде
Йикъаралди гьисаб жедач,
Ви жегьил тир вахтар диде
Гьайиф хьи хкиз хъжедач
Гьайиф кьуьзуь жез зи диде
Вун гьамиша акваз к!ан я,
Ваз лугьузва за къе диде
Вун зи чандин лап дарман я
Ви балайри чан зи диде
Гьамиша ваз гьуьрметзава,
Сефил жемир лугьуз диде
Ви руша ваз минетзава
Диде
© Copyright: Саира Сефибекова, 2014
Свидетельство о публикации №114082602102
Свидетельство о публикации №114082602102
Рецензии