Зубера

Къизилгуьл хьиз рикІевай яр» шиирда,
Ахьтин гафар ава хьи рикІ тІар ийир.
Дерт авай кас ам кІелайла иширда,
РикІяй алмас чІугур хьтин цІар ийир.
                Сажидин.
Ватандивай яргъа хьайи вахтуна,
Хайи хуьрни, дидедин чІал масан я.
Билбил хьиз жув хьайитІани тахтуна,
Женнетдилай жуван кІвал-югъ хъсан я.
Ви рикІикай заз хабар я, Зубера.

Сад-вад юкъуз фейи чІавуз патарал,
Фад элкъвена хуьквез кІан я Ватандиз.
Вунни ашукь тирди лезги картарал,
Гьуьрмет, хатур ийиз чидай хизандиз,
Ви рикІикай заз хабар я, Зубера.

Куьгьне хирер цІийи хъувун герек туш,
И дуьньядал кьисмет лугьур затІ ава.
Фагьумайла, муьгьуьббат са хуьрек туш,
Амма адахъ аламатдин дад ава,
Ви рикІикай заз хабар я, Зубера.

Сажидиназ амач са затІ такурди.
Вири эхна, халкьдин рекье чан гузва.
Кьисметди зав гвай яркь яз какурди,
СтІал вацІун мурцар алай къван гузва.
Ви рикІикай заз хабар я, Зубера.

Квез зи шииратдихъ галаз таниш жез кІанзаватІа, Зубера бике, квевай ЛезгиЯр сайтдай ва Стихи ру дай, генани за квез хуш атайтІа, зи сайтдин тІвар багъишда : sajidin.ru
Mail sajidin2012@yandex.ru        89634046529
Село Ашага-Стал, Сулейман-Стальский район, РД, Россия.
Ширин саламралди, шаир Сажидин буба.