Яр ахварай акуна

Саира Сефибекова
Накьан йифиз акур ахвар
Зи рик|елай алатзавач,
Вилелай зи фенай накъвар
Яр рик|яй зи акъатзавач

Яр къвалав зи ацукьнавай
Гъил кьуна хьиз вичин гъилив,
Чун кьвед санал амукьнавай
Гьич са касни гвачиз кьилив

Михьи рик|ив ам рахазвай
Вилер залай алуд тийиз,
Гъил лап к|евиз ада кьазвай
Сивел мили хъвер ийиз

Им ахвар я-гьакъикъат туш
Ярдихъ галаз хъел хьанава,
Тирт!ани зун адаз лап хуш
Ц|ай илична рик| канава

Ахвар кьилиз акъатайт|а
Пашман рик|из зи шад жедай
Яр мад къвалав агатайт!а
Хиялриз зи ахвар къведай...


© Copyright: Саира Сефибекова, 2014
Свидетельство о публикации №114072807733
Список читателей / Версия для печати / Разместить анонс / Заявить о нарушении
Другие произведения автора Саира Сефибекова
Рецензии
Написать рецензию
Другие произведения автора Саира Сефибекова