Шагьализе акIува,
Шилизе хуги игъуй,
Эшти саримт делкIува,
Нуни хIинрав шатдируй?!
Припев:
Лебил къадала гIялам,
Шатбарес нам дигахъис.
Бариле цаби хIяйран,
Угьале хIулбиркахъис.
Бугьубил гIузрулике,
Хугина чидам бируй.
Бируй гIяхI хIянкилике,
Ялгъуздеш дирхIадируй.
Аллагьли арадеш габ,
ХIушагъуна адамлас,
Гьар мурад таманбугьаб,
АгорхIале урга нас.
Шатбарес нам дигахъис
© Copyright: Салим Герейбеков, 2014
Свидетельство о публикации №114072506406
Свидетельство о публикации №114072506406
Рецензии