185 йисан къаршидиз
Гьар са девирдиз авурт1а; тамаш,
Шумуд аламат акъвазда вилик?
Вакай хьана чаз адалат шерик,
Алкьвадар Мирзе Гьасан-Эфенди!
Шаир Эминни алим Къазанфар,
Дустарихъ галаз сад хьана гафар.
Халкь патал чими к;ан хьайи гатфар,
Алкьвадар Мирзе Гьасан-Эфенди!
Ватанэгьлийрин гьар садан патай,
Кьабул ая на рагьметар атай.
Дуьньядиз машгьур дастанар ат;ай,
Алкьвадар Мирзе Гьасан-Эфенди!
Дагъви мусурман – лезгини авар,
Уяхриз вуна авунай ялвар.
Кьисмет хьана ваз илгьамдин лувар,
Алкьвадар Мирзе Гьасан-Эфенди!
Къе чи ватандин халкь хьанва уях,
Мусурманвилин давам ийиз рехъ.
Шумудни садаз хьана вун даях?
Алкьвадар Мирзе Гьасан-Эфенди!
Сажидина ви вилик кьазва кьин,
Юлчи хьун патал вун фейи рекьин.
Ярагъви хьиз вун шейх хьана якъин,
Алкьвадар Мирзе Гьасан-Эфенди!
Гьасан-Эфенди
© Copyright: Сажидин Саидгасанов 4, 2014
Свидетельство о публикации №114072207066
Свидетельство о публикации №114072207066
Рецензии