Here awa', there awa'
Р. Бёрнс
То туды, то сюды вандруе Віллі,
То туды, то сюды з хаты бяжыць...
У мае абдымкі вяртайся, мой мілы,
Што ты ўсё той жа, мой Віллі, скажы.
Вецер зімовы шалеў пры растанні.
Слёзы цяклі не ад ветру. О,не!
Лета вяртаецца. Віллі,вяртайся,
Лета - ў прыроду, а ты - да мяне!
Штормы дзікія, крыху адпачніце,
Люты ваш вой так пужае яго!
Брызы, на хвалях ласкавых нясіце
Зноў да мяне дарагога майго!
Як ён няверны, забыў сваю Нэнні,
Хвалі, няспынна каціце сцяной,
Каб я да смерці яго без сумненняў
Чакала, верыла, што Віллі - мой!
То ён тут, то ён там...
© Copyright: Лилия Прудникова, 2014
Свидетельство о публикации №114071908813
Свидетельство о публикации №114071908813
Рецензии