Эшарна маршо
Со адам ду аьлла
тIелаьцна, латта!
Догу хьо, соьгара
гIо-орца доцуш,
Яхь йолуш ца хили
хIора а гIатта,
Сил-хаза къонахий
хеназа богуш.
Декънехь а, хьан Iазап,
герзаца, дагца,
Вайн маршо хьеречу
узаршка яьлла.
КIиллоша доьхки, хьо,
мостагIна маьхза,
Я туьллик хам боцчу
шайнаша «кхаьлла»!
Со нохчо хиларна
ву бехке, хьуна,
ХьагI йоцчу кийрахь сан
«кхехкарна» маршо.
Я ваьлла вахча а,
ирс хир дац суна,
Дуьненахь, велча а,
хьо ду сан «марчо».
Аса-м ца хиржина
къаьмнашца доттагI,
ХьагI йоцчу уьйраша
хьистина везаш,
ХIора а, адамийн
цхьаъ бен вац мостагI,
Адмалла йоцурш бен,
хьарамло езаш.
Со адам ду аьлла
т1елаьцна, латта,
Догуш ду адамна
эшарна маршо,
Нах боцчу «наха» ирс
лехарна атта,
Огу мохк вайн дегний
шалхачу дарцо.
Эшарна маршо
© Copyright: Леми Мисирбиев, 2014
Свидетельство о публикации №114071302683
Свидетельство о публикации №114071302683
Рецензии