Аш тур ч1авуз демина,
Къекъведай хьиз гъеридихъ;
Кьуьзуь къужа, паб кьена,
Тамарзу тир къаридихъ.
Къари кьиникь са гуж я,
Вични кьуьзуь хьайила.
Паб дак1ан кас къе вуж я?
Кьве пад ризи хьайила.
Дагълух патан хуьряй са
Жагъида кьан хендеда.
Некягь авун паталди,
Са фекьидихъ къекъведа.
Къад лугьудай асир тир,
Фекьи, фахра тергнавай.
Къулгьу, Алгьем чидайбур,
Сад-къалгъан, сад вергнавай.
И хуьр, а хуьр, Самурдай
Туп1ал фекьи жагъана.
Кьуьзуь касдин хатурдай,
Балк1анраллаз югъвана.
Са гужалди, рекьив гъиз,
Алахъ авур хендеда;
Са кьадардин вахт фена,
Икьарардилай элкъведа.
Гагь фекьи, гагь кьуьзуь кас,
Рекьив хкиз алахъна.
Эвел кьиляй рази кас,
Гьик1 хъийида ч1алахъ на?
Гьич сак1ани рекьив гъиз,
Тахьай ч1авуз хендеда;
Кьуьзуь касди гьарайна,
Ван гьатдайвал мягьледа:
-Хендеда паб, гъуьлуьз къвез,
Рази хьайи вахтуна;
Фекьи хъуьч1уьк квайт1а зи,
Бахт къугъвадай тахтуна!
Туьк1уьн тавур савда
© Copyright: Сажидин Саидгасанов 4, 2014
Свидетельство о публикации №114071204399
Свидетельство о публикации №114071204399
Рецензии