ЮХА А...
Дитташ, шу юха а
Къеждели ша-тайпа-- можа
Кхин цкъа а т1ехтили
Хенан мур хьесапе эццал
Можалла цхьабосса
1аьткъина яцаран доза
Цу х1етал-металийн
Махках д1ах1отталуш деца.
Миноташ-г1аш лаьтта
Пелагех, дегаза оьгу,
Билларца семса мотт
Схьах1отта кийччачу 1аьнна.
Дерзина лаьттар дац,
Духадеш б1аьсте ю кхочур...
Ц1индалар--шераш шун
Кхолламан канара 1аьнна.
...Цхьадолчу х1умнаш т1ехь
Д1адевлла вай карладохуш,
Марг1алша вайн, т1иэра
Зуьйр, хета, шайн шерийн лами.
Хьуьнаршца сий диебош,
Пешара ц1е марсайохуш,
Кхоьхьур ду шайн маь1на,--
Х1ораммо шенначул чамеш.
Юха а...
© Copyright: Ильмади Цоккуев, 2014
Свидетельство о публикации №114070209084
Свидетельство о публикации №114070209084
Рецензии