Терхеш
Ц1е а хуьлу ц1ерал йовха,
Хуьлу ирсал доккха ирс
Балел беза бала хьовха,
Ницкъал--мел а боккха ницкъ.
Йовхо алссам оьшу хийла,
Цхьа тов йоцчохь кхачаме,--
Хир ю еккъа алу сийна,
Хоьттуш хилча безаме.
Ирсах кхетар бен-бен нисло,
Стаге шега хьаьжжина.
Шенна лиехнарг кестта тишло...
Ирсех хьан ду хаьржжинарг.
Юьртан, к1оштан 1ойла дойуш
Бала боссахь--эзар чов.
Цхьаннан белшаш г1оьнца йайеш
Кхиберш хьовзахь, ду и дош.
Свидетельство о публикации №114070104701