КХОЬРУ СО...
Кхоьру со ца кхиера
Цхьана а х1уманах.
Эрчонех вуоларна кхоьру.
Кхоьру суо лазорна,
Дагт1ера воьжна.
Тилкхазло геч ца йеш
Хьийзорна кхоьру.
Це тоьхна витарна кхоьру.
Цхьа къурдбеш
Кхалларна кхоьру.
Дика-вон диекъа шу
Цадог1уш дисарна кхоьру.
Пекъарна саг1а ца даллал
Сутараваларна кхоьру.
Цхьана сайх дозучех
Дала дош доцуш
Висарна кхоьру...
Иштта-д1а веха-кх... Кхоьруш,
Суо кхиера везарш а лоьруш.
Кхоьру со...
© Copyright: Ильмади Цоккуев, 2014
Свидетельство о публикации №114062910297
Свидетельство о публикации №114062910297
Рецензии
